Ramdang ih um Refugee  beu nak hawl pawl kan din hmun hi kan thei awk attul ngai ngai so khaw. Ram dang ah ziang ruangah so kan va feh nak san bik tihi midang sut attul loin mah le mah thei awk cia zo si ko. Kan ram hi nuam zet tlan leng nak dingah le hmun tha  tha fing le tlang iang nei zet mi pawl tampi kan ram ah a um ve si. Nun pum cawm dingah le fale pawl zir sang ding hrangah kan ram nih tha hnem nak pek ngai ngai fawn thei lo ruangah  mi khua le ram ah kan va vai theh.
           Mi khua le ramah ziang hrang ka feh duhsan kan tum mi bik ziang asi tile poisa hlawh ding hi asi bik ko. Pathian rawng bawl tu nih Mission an feh , Tlawng kai duh pawl nih fim nak zir ding an feh, Nu le pa Cawm ding pawl nih poisa hlaw ding hna tuan ding an feh, beu nak hawl tu lai mi Kachin ram ih in le lo nei lo tiang hat sat ton mi vek cu kan lai mi ah a um lem lo. Ram dang ka feh nak san bik cu poisa hlawh ding ah kan feh tam sawn ding.

          Malaysia Refugees or Beu nak hawl tu pawl zaten 93,000 lai um ih 50,000 hrawng cu kan lai mi a si tiah Chin Community Upa pawl nih an rel thei. Himi lai mi pawl nih ziang so an tuah hna tuan lo ih zo so a um ding , Hna tuan lo cun mi khua le ram ah alak in rawl ei thei asi lo ruangah mai ih ke parah ding attul mai ih hlawh man ei attul hna tuan lo in um cu aci lo si ko.
      Kan lai mi thinlung put dan Unity nei ngai ngai attul zia hi kan ram ah cu attul tuk lo ti sehla atul tho ko nan mi khua le ram ah cun Unity or lungrual ten um attul zia le athu pi dan hi cu nambat pakhat ah ret ding si ko .Ziangah Unity or Lungrual nak hi nambat pakhat ah ret attul tile kan lai mi pawl hi Ram dang mi kut tangah hna kan tuan tikah  Um dan ka thiam lo le Malaysian pawl ih mit kem kan tuar Taluk boss pawl ih kawk kan tuar theu. Cu vek caan ah Um dan thiam deuh pawl le Tong thiam deuh pawl nih kan lai mi cio cio rual pi pawl maw, Unau maw ziang siar lo in kan hei um awk ter theu, Tong thiam deuh pawl nih Tong thiam lo deuh pawl le mi toi nawn tasa dum deuh pawl khi lai mi ah kan siar lo theu kan ti awk ter theu. Mah le mah cu  Taluk mi ah maw kan hei ruat awk lole malay hnam ah maw kan hei ruat awk . Taluk malay kut tangah hna kan tuan tikah kawk tuar can khal tam pi um theu Permit thawn hna tuan mi Kawl pawl nih kan lai mi hi ziang siar lo in Duh duh ah in hei fel duh la la, Boss kut tangah hna kan tuan ko nan Kawl pawl nih kan lai mi hmu sawm dan hi kan tuar bet bet tikah thin nuam lo in caan tam pi aliam theu. Cun, kawl pawl nih in zawm tai khal le an nih khal an hat sa ruangah hna an tuan ve tho tho asi ruangah kan lai mi hi hmu sawm khal attul cuang lo asi. Kan lai mi um dan kan thiam attul bik mi cu mai ih hnam silo mi kawl pawl hnak in kan lai mi parah tih za nak le upat awk nak hi nei attul. pakhat le pakhat kan hmu sawm pang maw, lole mi tu ka sim vek in Mi toi nawn le taksa dum deuh pawl hi kan ning zah pi pang le kan din hmu hi Unity or lungrual nak aum thei nawn lo ih pakhat le pakhat hua awk nak ral awk nak ah acang theu ih, Zu kan in bet asi le thawi awk cih ning zah hlak ah kan thuan thu acang theu. Cu ruangah mi khua le ramah hat sat na cing kan um poisa kan hawl hna tuan tento attul tikah Malay Taluk boss pawl nih in hmu sawm , hlawh man khal kai ahar cu bet bet ah Staff si veve mi kawlpawl nih in hmu sawm bet theu, har sa zet bik mi cu mi dang nih in hmu sawm ti lai ah mah le mah tiawk ter in kan um ih lai mi si ve na cing ah ziang kan siar lo in kan hei um ve theu kha kan at nak alang ter theu.
      Kan lai mi ih Unity or Lungrual nak cu khoi tawk hmun khal ah hlo ter lo ding ih lungrual ten Um khawm thei ding pakhat le pakhat Upat awk ding, cu ti cun Chin mi ih thinlung dik tak in kan feh thei ah cun kan duh thu sam thei dingah cun pathian nih mal za sawm lo in kan um lo ding asi.


By-Salai   p.nai 

HTML Comment Box is loading comments...