Kawlram 5000man phone a lei theithlang dg
Tuesday, 10 January 2012|
CHIN SANTILUAN
5000 kyats man phone kawl ram ah lei thei thlang ding
Tulai online ah kawl pawl nih an tarlang bik mi cu GSM phone man awl bik mi zuar thei thlang ding ti thu kha asi. Leitlun ah farah lam ah kawlram khal atel ve ih phone hman nei thei lo mipi tam pi an um ih milian deuh pawl nih lawng hand phone an lei thei.Milian Farah ti thlei dan nak um lo in kawl ram mipi hmuah hmuah nih lei thei ding aman awl bik ah GSM phone cu kawl ram acozah ih fial nak ruangah Shwe pyi Takhun Company nih tuah ding asi.
Kum 2011ihsin President Thein Sein nih Kawl ram cu athat nak lam ah ahruai vi vo ih Ramsung ah buai nak lak ih hna ngam dai nak khal atuah sak thei ih mipi duh lo zawng silo in mipi thang so ding tiang lamzin tha ahawl vivo thlang asi.
Tu kum sung arei hlan ah Kawl ram mipi pawl nih GSM phone aman awl ten thawng nga (5000) kyats in an lei thei thlang ding asi.Phone sungah Internet khal ngah thei cih asi ih Internet hmang man cu mai ih hman mi parah si ding ih Phone Card cu (hmat pun tin) thawn dawr ah lei thei ding ih tui lai hman mi vek phone sung poisa cu acem ve ding as. Hi mi phone line hi kum 5 sungah 30 milion suak thei dingah an tum asi ih atu law law se cu phone line 1 milion hrang lawng tuah hmai sa ding ih Yangon le Irrawady ah hmai sa hman thei ding phon no. cu 09-1 ihsin athawk ding arei vi vo tik ah kawlram hmun kip khua kip ah ngah thei ding ih cu hnu ah Asian le Asia lam zaten ngah thei thlang ding asi '' Shwe pyi takhun Director U lwin Oo nih asim bet asi.Ziangtik ihsin lei thei ding tile tukum March hla ihsin lei thei thlang ding.Phone call man cu local khua sung ahcun 25 kyats cem ding ih yangon ihsin lai tlang tivek call le cu 30 kyats cem ding tiah ' U lwin Oo nih asim tel bet.
Hi mi phone line 30 milion hrangah Dollar 770 million acem ding ruangah Share lut duh tu pawl khal lut thei ih lut pek ah cun amal bik Ting hnit or 2 ting kyats ihsin lut thei ding an si.Phone sung poisa thun dingah cun 5 thawng man , 1 tawng man le 5 tawng man hi mi pathum pawl hi an suah ding asi.
Shwe Pyi Takhun Company cu yangon Shwe kong Tu Condo ah Office ong thlang asi.
Ref; Popularmyanmar
Posted in
Thuthar
HTML Comment Box is loading comments...
0 Siartu Aanka for this post
Comment Rak Pek Ve Aw..!