Oh!December

Sweet december thla sunglawi
Lunglen authawm lung sung a khat
Zingpit daitla mi lung a len
Pangpar mawi an par hmun za tin ah
Zing ni tleumawi mero zam thawn
hmu tui mitsung , mittlung cuang E

Thlatang khuasik zingni tleumawi
Zilthli nem cu ..tuar a har E
Va awmawi phunkim inZaihla an sak…
An aw neih suah in ……………
Runtu Bawi suah caan an hmuak


Tlangsang tinkim ah Faizong an par
A mawi hleice par dang hluan in
Lungawi aipuang in sunloih hai
Runtu Bawi suah caan Christmas ni ah

Leitlun runtu hrinhniang Jesuh
Bethlehem caw kuang sungah
Tu ni a suak zo feh uhla biak uh
Maw duhdawtmi tla na lawksawng keng in
Jesuh hmuak dingah a tu feh ve aw

Tlangsang bang a sang mi na lungthin
Hawrkuam bang a thuk mi na ruahnak
Lungto bang a hak mi na umtuning tansan in
Nunthar, ruahnak thar thawn
Na kut suak ih sin Leilungpi cu nuamnak co hram seh,
A mawi mi leiram si kum khua hram seh

By : Salai Lal Biak Luai@Luaite

HTML Comment Box is loading comments...