Leitlun ah caan sau pi nung hman ning la, zianghman thiam nak nei lole lungto vek na si ko ding. lungto cu ahak tuk ih awlten kiak/ koih thei lo ruangah a um nak hmun ah kum rei pi tiang ni le hla kum aliam aher rero khal le amah lungto sinak ah aum ring ring. Minung cu cung pathian nih thawh in pek ih mi nung kan tak sa cang thei  thil tin kim ah ruah nak kan nei thei ih ni khat hnu ni khat ah kiang kap ih thil  mit in  hmu theih hmuah hmuah le hna in thei hmuah hmuah cu thei kua nak lam ah kan lak ih thangso vivo nak ah acang.

     Chin mi / lai mi hmuah hmuah kol pawl nih in zuam tai theu, asan cu an mah ruangah kan lai mi theikua nak kan mal, fimthiam nak kan sang lo, Ruah nak le thluak lam ah cun lai mi hi kolpawl nih aneh lam lam lo ding. Chin ram ah thil tha tha , Company tha tha aum thei lo khal le Chin mi fimthiam nak ah rin um tlak an tam tuk fawn. IT san ah Computer tha tha Internet kan nei thei sehla chin mi international level ah kan um ve thei. Kaa lawng pin in zuam tai tupawl khal atak in leh thei ve nak dingah Ca tam pi siar attul, zuam sin sin attul.
Chin mi pawl kolpawl nih in zuam tai lawng silo in Ram leng ka va feh ve tikah Burmese pawl hi Ram dang mi nih in hmu suam lala thlang. Zir sang kan si lo tikah ziang vek hna saw kan tuan thei, Ziang tong so kan thiam sawn bik? Mi nung ih din hmun cu mah le mah ah (personal) ah hmu awk thei attul.
     Ca siar theu attul , Online ah ca siar ding tha tha atam tuk thlang, English ca na siar thiam lo khal le Kol tong na siar thiam ko lo sawm? Kolca na siar thiam lo khal le Chin ca lai tong na thiam ko lo sawm? Ziangtik ah na man theu ziang tikah hna na cawl theu. Acaan hmang thiam lo le zing le zan khal na hrangah apoi nak ziang hman um lo ding. Man caan poh ah ca siar thei sehla, lole na um nak ah computer Internet na hmang theu le Online theu aw, ca tha tha hawl awla siar tam aw, na thei mal lam lam lo ding so khaw. Mit sing in na siar le ca na hmu lo ding ih thei kau nak khal ziang hman um cuang lo ding. " kei hi ziang ka si" tin nang mah le nang mah na thei awk lo ruangah um men men khal na si thei, Ca na siar tam le Nang mah le Nang mah cu fiang ten na hmu awk thei ding ih ziang ka tuah ttul ti khal na thei awk cih ding. Nang mah le Nang mah na thei awk hnu ah cun (Goal) tumtah nak na nei teng teng thlang ding. Cun , um men men lo in ca siar na pai ding ih sung khat hrangah rin um tlak lawng silo in ram le mi phun hrangah na nun nak le acaan na pek thei thlang ding ih Christian kan si bang in pathian sunlawi nak ding tiang pitling tha na si ding ah zuam ten to khal attul thlang ding.
      Ca siar theu aw Online ah ca tha tha hawl awla siar ring ring aw. Nupi/ pasal dingah khal Online ah tam tuk ko ual, tlawng kai na duh lai khal le Online ah sponser tam pi na hmuh thei lai ko ual, Hna tuan na hawl duh le Online ah hawl awla, leilung pum pi ah ni khat hnu ni khat ah ziang acang theu na thei duh le Online ah hawl awla, Computer mi vek na thiam duh le Online ah Computer thiam pawl sut theu aw alo sang cih ding. Contact khal na tuah thei   itchinknowledge2@gmail.com ti vek na add ding ih na buai nak le na thei duh mi pawl fiang ten sut atheih si. Cu ruangah Online aw, Ca siar theu aw um men men na si le na kum tam sin sin ding ih lung to vek na si pang kei aw.

HTML Comment Box is loading comments...