Malaysia abae hla langkah tarhii ham om coeng.|Chin Santiluan

Malaysia abae hla langkah tarhii ham om coeng.

Wednesday, 16 November 2011|

CHIN SANTILUAN

Malaysia ka kawng hi na om nah kung langkah rhip na ming uk ham na ngaih ti ka ming dongah ayol ka ming naw patuel ka thui ham ka ngaih val ne. Online donglang Kolrham kah hui ko paya langhna naw hmaih ki hrhum coengti ngawl tah, Malaysia kah kawng nih tlaek I dawt coeng. Kolrham dueng muelah India lang vih I dawt, rham thum nah ka phat rhoek U.S, Australia, Norway,….. an mi lah Malaysia kah kawng hi ta aw ta aw angaih tloe lah om bal. UN card na hmu coeng a? UN office langkah hlang nawt nawt akhue coeng a? Ol lung khat tah nueng ka le pueng loem phat phat I dawt coeng hoe yet vih ka dawt eh tih, UN kawng deh Malaysia kah kawng hi yak ham lah ahna naw pathak uk lai coeng na ma.

Kum 1951 UN convention ah Malaysia acoyah lah Refugee rhoek kho thung om sak ham lungtling puei nah an tawl kha dongah atu rhil ah Malaysia kah Refugee rhoek philtom ayaa pi 95,000 kol rham dueng muelah Asia bel kah kho tloe tloe naw vih moe om val, hi kah Refugees rhoek hi Malay police naw lah Card ka pom hlal naw angaih takoel athlaeng voei thai dueng muelah thongim rhil ap hlak thai bal pueng. Immigration bel kah arham ca rhoeklah Refugee rhoek hi sawt hnaep ham muelah ama kho thungkah hlang takoel poek thai ham deh, acoeng thai na rhil ngai thoem nah dik suek nah om thai na ham kho tlueng apoek val bal.Malaysia UNHCR kah arham ca Mr.vernon lah Refugee rhoek hi Operacy kut donglang aloeih thai ham ol puei lah kho apoek val bal.

Malaysia overstay rhoek hamlah 6P program hi hnuk bel june hla 2011 langkah ap onglah November hla 2011 langkah Operacy naw lah Malaysia thungkah Card ka pom kha philtom tuk lah om tangnih tilah Ol thang awt athui coeng dae, Operacy lut tak tak ham tah abae hla January 2012 langkah lut nih tilah Ol thang kip thaang coeng.6P program ah Refugee rhoek kut dawl hnam sak hamlah Malaysia acoyah deh UN officer lah Ol atloek rhoei lah kut dawl hnam lah om, ka hnam kha naw vih moe om pueng dae, 6p program kah Immigration centre lah rhawp khue kha dongah ka hnam kha naw moe om pueng. Mr. Vernon lang ngawl tah ka hnam kha naw ham lah rhii ham om hloei moe nih tilah athui. Refugee hlang kha rhoek India naw, kol naw, Rham tloe tloe kah hlangnaw bang card vih ka pom kha hlang naw January 2012 ah tuk lah om tangnih. Refugee aming nah dae, UN card pom hlal lah Operacy naw lah ap tuk atah thongim thung UN officer nawlah (interview) Ol dawt nah atawl nih, Refugee hlang tak tak a? Case ahman calah thui thai lah Refugee hlanglah kip tueng tak tak atah, appointment slip hmoei apaek nih, thong im thunglang lak UN rhoeklah at tlal lah om nih. Thong im thungah UN lah (interview) Ol dawt sai vaengah ol thui thol Refugee lah kip tueng nah atawl kha atah, athum bae lah koep ap loep pueng nih.Refugee rhoek ham nih UN officer langkah apoei puei vah, atloe naw Overstay naw hamlah UN lah poei puei mang khah. Thongim thunglangkah card ka tawl kha nawlah community rhoek taeng, ACR, CRC, FRO, MSO naw taengah Contact sai ham hi Ol puei koek lah om nih. Community nawlang ah UNHCR ah report koep asai kah nih. Malaysia tah Operacy hi rhii ham om bik, Police naw lak nawl ka tawl koek lah om, Rhal kap bal moe nih, Malaysia tah Operacy rhoek hi ta rhii ham om koek lah om.

Ol thang thaw kayak phoei koep ka thui uk pueng nih.

Share and Enjoy: